§1. Bādal (sāneṭ)
chhāʾe huʾe haiñ chār t̤araf pārah-hā-e abr
āġhosh meñ liʾe huʾe dunyā-e āb-o-rang
mere liʾe hai un kī garaj meñ sarod-e chang
paiġhām-e iñbisāt̤ hai mujh ko ṣadā-e abr
uṭṭhī hai halke halke saroñ meñ navā-e abr
aur qat̤r-hā-e āb bajāte haiñ jaltarang
gahrāʾiyoñ meñ rūḥ kī jāgī hai har umang
dil meñ utar rahe haiñ mire naġhmah-hā-e abr
muddat se luṭ chuke the tamannā ke bār-o-barg
chhāyā huʾā thā rūḥ pah goyā sukūt-e marg
chhūṛā hai āj zīst ko ḳhvāb-e jamūd ne
un bādaloñ se tāzah huʾī hai ḥayāt phir
mere liye javān hai yih kāʾināt phir
shādāb kar diyā hai dil un ke sarod ne!
