§19. Ek aur shahr

ḳhvud-fahmī kā armāñ hai tārīkī meñ rū-posh,

tārīkī ḳhvud be-chasm-o-gosh!

ik be-pāyāñ ʿujlat rāhoñ kī alvand!

sīnoñ meñ dil yūñ jaise chasm-e āz-e ṣayyād

tāzah ḳhūñ ke pyāse afrangī mardān-e rād

ḳhvud dev-e āhan ke mānind

daryā ke do sāḥil haiñ aur donoñ hī nā-paid

shar hai dast-e siyah aur ḳhair kā ḥāmil rū-e safed!

ik bār-e mizhgāñ, ik lab-ḳhand!

sab paimāne be-ṣarfah jab sīm-o-zar mīzān

jab żauq-e ʿamal kā sar-chashmah be-maʿnī hiżyān
jab dahshat har lamḥah jāñ-kand!

yih sab ufqī insāñ haiñ, yih in ke samāvī shahr

kyā phir in kī kamīñ meñ vaqt ke t̤ūfāñ kī ik lahr?

kyā sab vīrānī ke dil-band?